Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Bangladesh Prezidenti Temuriylar tarixi davlat muzeyida bo‘ldi
2019-06-17 | Jamiyat
Bangladesh Xalq Respublikasi Prezidenti Muhammad Abdul Hamid Temuriylar tarixi davlat muzeyida bo‘lib, Sohibqiron va uning avlodlari haqida hikoya qiluvchi rang-barang eksponatlar bilan tanishdi.
Bugungi kunda muzeyda Amir Temur va temuriylar davriga oid qo‘lyozma asarlar, turli davlatlar hukmdorlari bilan olib borilgan yozishmalar, qadimiy tangalar, sopol va mis, etnografik buyumlar, nodir kitoblar, san’at asarlari kabi 5 mingdan ziyod eksponat saqlanadi.
Muzey faoliyatida zamonaviy axborot texnologiyalari yutuqlaridan keng foydalanib kelinmoqda. Tashrif buyuruvchilar muzey bo‘ylab virtual sayohat qilishi, eksponatlarning 3D shaklidagi nusxalari bilan yaqindan tanishishi mumkin.
Oliy martabali mehmonga Sohibqiron Amir Temur va temuriylar sulolasi, uning milliy va dunyo davlatchiligi tarixida tutgan o‘rni, ilm-fan, san’at va madaniyat rivojiga qo‘shgan hissasi haqida so‘zlab berildi.
O‘zbekiston betakror diyor. Shonli o‘tmish, boy madaniy tarixga ega diyorda bugun turizm jadal rivojlanayotgani bejiz emas. Bunga ushbu muzey misolida yana bir bor amin bo‘ldim. Amir Temur shaxsiyati va u asos solgan buyuk davlatchilik tarixiga dunyoda katta hurmat va qiziqish bilan qarashadi. Bangladesh xalqi ham insoniyat rivojiga munosib asriy yutuq bo‘lib qo‘shilgan, xalqingiz zakosi sifatida bunyod etilgan asriy osori-atiqalarni ko‘rish istagida yurtingizga sayohat qiladi. Ikki tomonlama munosabatlarda ham ayni shu yo‘nalish istiqbolli soha sifatida rivojlanib borayotganiga guvohmiz.
