Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Mitsubishi kompaniyasi O‘zbekistonda gaz-transport tizimini modernizatsiya qilishda ishtirok etmoqchi
2019-06-14 | Jamiyat
O‘zbekiston Respublikasi Energetika vazirligida Mitsubishi kompaniyasining xalqaro departamenti bosh menejeri, SOO kompaniyalari guruhi o‘rinbosari Kazuxiro Vatanabe bilan uchrashuv bo‘lib o‘tdi.
Bu haqda vazirlik matbuot xizmati xabarida aytilishicha, uchrashuvda O‘zbekiston – Yaponiya iqtisodiy qo‘mitasi 15-yig‘ilishining amaliy-tashkiliy jihatlari muhokama qilindi. Shuningdek, energetika va neft-gaz sohasidagi yangi loyihalar, xususan, Navoiy IESda zamonaviy bug‘-gaz qurilmalarining 3-4-bosqich qurilishi, Mitsubishi kompaniyasi tomonidan ishlab chiqarilgan gaz turbinalari uchun xizmat ko‘rsatish va servis markazlarini tashkil etish kabi masalalarda ham so‘z yuritildi.
Mitsubishi kompaniyasi MTO gaz-kimyo klasterlari yaratish bo‘yicha loyihalar hamda O‘zbekiston Respublikasi gaz-transport tizimini modernizatsiya qilishda ishtirok etishga qiziqish bildirayotganini ma’lum qildi.
