Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Dunyo polvonlari Buxoroda bellashadi
2019-06-03 | Sport
Shu yil 7-12-iyun kunlari Buxoro shahridagi “Buxoro” sport majmuasida Oʻzbekiston Respublikasi Prezidenti sovrini uchun kurash boʻyicha hazrat Bahouddin Naqshband xotirasiga bagʻishlangan xalqaro turnir oʻtkaziladi.
Ilk marotaba tashkil etilayotgan xalqaro turnirda Eron, Hindiston, Italiya, Meksika va Janubiy Afrika Respublikasi kabi dunyoning 50ga yaqin davlatidan 100dan ortiq nomdor polvonlar gʻoliblik uchun bellashishi kutilmoqda.
Xalqaro turnirda erkaklar 60, 66, 73, 81, 90, 100 kg gacha hamda 100 kg dan yuqori vazn toifalarida kuch sinashsa, ayollar 52, 63 va 78 kg gacha boʻlgan vaznda gʻoliblik uchun bahs olib borishadi. Musobaqada oʻz vazn toifalarida 1-oʻrinni qoʻlga kiritgan polvonlar 3000 AQSH dollari, 2-oʻrin sohiblari 2000 AQSH dollari hamda 3-oʻringa sazovor boʻlgan polvonlar esa 1000 AQSH dollari miqdoridagi pul mukofotlari bilan ham taqdirlanadi.
Dasturga muvofiq, 8-iyun kuni kechki payt “Buxoro” stadionida turnirning tantanali ochilish marosimi va katta konsert tashkil etilsa, 9-10-iyun kunlari kechki payt shu stadionda kurash bellashuvlari oʻtkaziladi.
Manba: O'zA
