Davlatimiz rahbari ilgari surgan Beshta tashabbus doirasida Boʻka tumani markazida Madaniyat va maʼrifat ekoparki barpo etildi. Prezidentimiz ushbu istirohat bogʻiga tashrif buyurib, yoshlar uchun yaratilgan sharoitlar bilan yaqindan tanishdi.

Bu yerda Beshta tashabbusning barchasi mujassamlashgan. Zamonaviy kutubxona hamda kitob oʻqish uchun sokin joylar, kompyuter oʻyinlari uchun maydonlar, Wi-Fi hududlari tashkil etilgan. Yopiq amfiteatr, kafelar qurilgan. Universal sport maydonida mashqlar va badantarbiya, mini futbol, badminton, stol tennisi va boshqa sport turlari bilan shugʻullanish uchun keng sharoit yaratilgan. Velosiped, samokat, skeytbord va roliklar ijarasi ham yoʻlga qoʻyilgan. Majmua har oyda oʻrtacha 6 ming nafar yigit-qizni jalb qilishi mumkin.

Manba: O‘zbekiston Respublikasi Prezidentining rasmiy veb-sayti