Intellektual mulk ob'ektlariga huquq egalarining mutlaq huquqlari himoyasini ta'minlash hamda intellektual mulk ob'ektlaridan qonunga xilof foydalanganlik uchun javobgarlikni kuchaytirish maqsadida O'zbekiston Respublikasining 2019 yil 2 maydagi O'RQ-534-son Qonuni bilan O'zbekiston Respublikasining Ma'muriy javobgarlik to'g'risidagi kodeksiga tegishli o'zgartirish va qo'shimchalar kiritildi.

Xususan, Ma'muriy javobgarlik to'g'risidagi kodeksining 177-moddasi "O'zganing tovar belgisidan, xizmat ko'rsatish belgisidan, tovar kelib chiqqan joy nomidan yoki firma nomidan qonunga xilof ravishda foydalanish" nomi ostida javobgarlik choralari aniq belgilangan holda o'zgartirilgan bo'lsa, shuningdek mazkur modda yangi tahrirdagi 1771 (Mualliflik huquqini va turdosh huquqlarni buzish) va 1772 (Ixtiroga, foydali modelga va sanoat namunasiga bo'lgan huquqlarni buzish) moddalari bilan to'ldirildi.

Mazkur kiritilgan o'zgartirish va qo'shimchalardan ko'zlangan asosiy maqsad - bu mamlakatimizda tadbirkorlik va kichik biznesni halol raqobat asosida rivojlanishini ta'minlash hamda investision muhitni yaxshilashdan iboratdir.