Respublika ixtisoslashtirilgan bolalar-o‘smirlar shaxmat maktabi endi Xalqaro shaxmat akademiyasi sifatida faoliyatini davom ettiradi.

Bunday nufuzli darajaga ega bo‘lish akademiya faoliyatini tubdan yangilashga xizmat qiladi. Bu borada mazkur tashkilot tomonidan bir qator dasturlar ishlab chiqilgan. Shu bilan birga mamlakatimizda shaxmatning ommaviyligini yanada oshirish borasida ibratli ishlar amalga oshirilmoqda. Shulardan biri, respublikamizdagi 150ta maktabda shaxmat darslari joriy etildi.

Kecha Xalqaro shaxmat akademiyasi o‘quvchilari huzuriga rossiyalik taniqli shaxmatchi, 2010 yilgi Rossiya va Yevropa chempioni, jamoalar o‘rtasida ikki karra jahon chempionati g‘olibi Yan Nepomnyaщiy qadam ranjida qildi. 28 yoshli bu iqtidor egasi shaxmat olamida Rossiyaning kelajagi, deya baholanmoqda. U o‘quvchilar bilan master-klass o‘tkazib, amaldagi jahon chempioni Magnus Karlsen bilan o‘ynagan partiyasini muhokama qildi. Shuningdek, bolalarni qiziqtirgan barcha savollarga javob qaytardi.

Muhammad Amin, O‘zA