Joriy yilning 8-aprel kuni viloyat hokimi o‘rinbosari Jamshid O‘roqov Boshqirdiston respublikasi qishloq xo‘jaligi vaziri Ilshat Faraxmanov boshchiligidagi delegatsiya a’zolarini qabul qildi.

Mehmonlar viloyatimizdagi intentsiv bog‘larda yetishtirilayotgan meva-sabzavot mahsulotlarini qayta ishlash va eksport qilish, asalarichilikni rivojlantirish masalalari xususidagi rejalari bilan o‘rtoqlashdi. Bu borada ikki tomon imkoniyatlari muhokama qilindi.

- Yurtingizda yetishtirilayotgan qishloq xo‘jaligi mahsulotlari jahon bozorida o‘z o‘rniga ega, - deydi Boshqirdiston Savdo-sanoat palatasining O‘zbekistondagi vakili Marsel Asfandiyarov. - Shu bois tadbirkorlarning meva-sabzavot mahsulotlari bilan bir qatorda quruq meva yetishtirishdagi tajribalariga qiziqish katta. Bu haqda uchrashuv davomida kerakli ma’lumotlarga ega bo‘ldik. Kelgusida ikki davlat o‘rtasidagi hamkorlikni yanada mustahkamlash maqsadida memorandum imzolash niyatidamiz.