Xalqaro tennis federatsiyasi (ITF) 2020 yili Tokioda o‘tkaziladigan Olimpiya o‘yinlarining tennis musobaqasiga o‘zgartirish kiritdi.

Unga ko‘ra, erkaklar o‘rtasidagi yakkalik bahslarning finali ko‘pi bilan uch set, ya’ni ikki setda g‘alaba qozongunicha davom etadigan bo‘ldi. Avval tennischilar g‘oliblik uchun hatto 5 setgacha kurash olib borishar edi.

Shuningdek, juftliklar o‘rtasidagi uchrashuvlarning uchinchi seti tay-breykka qadar o‘tkaziladi. Unda tennischilar o‘n ochkogacha raqobatlashadi.

"ITF"ning bunday qarori tennischilarning musobaqa davomida jismoniy holatlarini yaxshi saqlab qolishi uchun imkoniyat yaratadi.

Javohir Toshxo‘jaev, O‘zA