№ 

NNT va fuqarolik jamiyatining boshqa institutlarini qoʻllab-quvvatlashni talab qiluvchi davlat organlari faoliyatining ustuvor yoʻnalishlari, davlat ijtimoiy buyurtmasining maqsad va vazifalari

Davlat buyurtmachisi 

Mablagʻ 

(mln. soʻm)

1.

Ustuvor yoʻnalish: Mamlakatning turizm salohiyatini oshirish, tarixiy-madaniy merosni keng targʻib etish.

Maqsad: Mamlakatimiz aholisining ichki turizm boʻyicha sayyohlik faolligini oshirish, respublika hududlari bilan bogʻliq tarix haqida maʼlumotga ega boʻlish orqali ularda Vatanga sodiqlik hissini uygʻotish.

Vazifalar:

aholining ichki turizm boʻyicha sayyohlik faolligini oshirishga qaratilgan targʻibot-tashviqot tadbirlarini tashkil qilish;

turizmni rivojlantirishga qarshilik qilayotgan barcha gʻov va toʻsiqlarni bartaraf etishga qaratilgan takliflar ishlab chiqish;

aholining ichki turizm faolligini oshirishga qaratilgan videorolik yaratish va uni OAV orqali yoritish;

aholini ichki turizmga chorlashga yoʻnaltirilgan “Oʻzbekiston boʻylab sayohat qil!”, “Men Vatanimni sevaman”, “Biz oilaviy sayohatchilarmiz” kabi shiorlar ostida festivallar va boshqa yirik tadbirlarni tashkil etish.

Turizmni rivojlantirish davlat qoʻmitasi

150

2.

Ustuvor yoʻnalish: Tarixiy obidalarni, yaxshi oʻrganilmagan madaniy obyektlar toʻgʻrisida toʻlaqonli maʼlumotlarni toʻplash va ularni internet hamda ijtimoiy tarmoqlarda keng yoritish.

Maqsad: Respublikamizdagi muqaddas qadamjolar va tarixiy obidalarni, yaxshi oʻrganilmagan madaniy obyektlar toʻgʻrisida toʻlaqonli maʼlumotlarni toʻplash, ularni OAV, shu jumladan, internet va ijtimoiy tarmoqlarda keng yoritish orqali aholi xabardorligini oshirish, ularda Vatanimiz tarixini oʻrganishga boʻlgan qiziqishini yuksaltirish.

Vazifalar:

mamlakatimiz boʻylab muqaddas qadamjolar va tarixiy obidalar, yaxshi oʻrganilmagan madaniy obyektlar toʻgʻrisida toʻlaqonli maʼlumotlarni toʻplash maqsadida, soha mutaxassislaridan iborat guruh tashkil qilish va maʼlumot toʻplash bilan bogʻliq tadbirlarni amalga oshirish;

toʻplangan maʼlumotlarni OAV, shu jumladan internet va ijtimoiy tarmoqlarda aholiga tushunarli va qiziqarli tarzda keng yoritish, shuningdek ushbu maʼlumotlar asosida qisqa videoroliklar tayyorlash va namoyish etish;

mamlakatning turizm salohiyatini yanada ochib berish, yangi turizm yoʻnalishlarini targʻib qilish boʻyicha tadbirlar (media tur, info tur va boshqa) tashkil qilish;

mamlakatdagi 14 ta hududining har biri uchun oʻziga xos hududni tasvirlovchi mahsulot yaratishga qaratilgan tanlov tashkil etish va nominatsiyalar boʻyicha gʻoliblarni ragʻbatlantirish.

Turizmni rivojlantirish davlat qoʻmitasi

250