Namangan muhandislik-qurilish instituti Germaniyadan keltirilgan oʻquv laboratoriya uskunalari bilan jihozlandi.

Institutning “Fizika” kafedrasiga oʻrnatilgan jihozlarni ishga tushirish va oʻquv jarayonida foydalanish boʻyicha tajriba almashish uchun Germaniyaning Gottingen universiteti oʻqituvchisi Bermann Shtaynmayer institutga tashrif buyurdi.

Xorijiy mutaxassis oʻquv laboratoriya jihozlaridan biri Maykelson interferometrining ishlash prinsipini nazariy va amaliy jihatdan tushuntirib berdi. Ushbu keltirilgan laboratoriya jihozining texnika xavfsizligi hamda lazer nurining toʻlqin uzunligini va uning qutblanganlik darajasini aniqlash usullariga batafsil toʻxtaldi.

Bermann Shtaynmayer institut professor-oʻqituvchilari, yosh ilmiy tadqiqotchilar hamda talabalar bilan jahon ilm-fani olimidagi soʻnggi yangiliklar borasida suhbatlashib, oʻzaro fikr almashdi.