Joriy yilning 25-26-mart kunlari Xalq taʼlimi vaziri oʻrinbosari Ibrohim Djurayev joylarda maktab infratuzilmasini yaxshilash boʻyicha amalga oshirilayotgan ishlar bilan tanishish maqsadida Qashqadaryo viloyatiga tashrif buyurdi.

Ibrohim Djurayev Qashqadaryo viloyati xalq taʼlimi boshqarmasi masʼul rahbarlari bilan birgalikda viloyatning Yakkabogʻ tumanidagi 2019-yilda “Obod qishloq” dasturiga binoan taʼmirlanadigan umumtaʼlim maktablar va dastur doirasida amalga oshiriladigan ishlar oʻrganildi.

Viloyat xalq taʼlimi tizimi rahbarlariga dastur doirasida olib boriladigan taʼmirlash va qurilish ishlarini sifatli amalga oshirish boʻyicha kerakli topshiriqlar berildi.

Eslatib oʻtamiz, Oʻzbekiston Respublikasi Prezidentining 2019-yil 20-fevraldagi “Obod qishloq” dasturini 2019 yilda amalga oshirish boʻyicha qoʻshimcha chora-tadbirlar toʻgʻrisida”gi qaroriga binoan Qashqadaryo viloyatida jami 42 ta maktablarda qurilish-taʼmirlash ishlarini amalga oshirish belgilangan.

Dastur doirasida viloyatning Yakkabogʻ tumanidagi Sovuqbuloq, Yashnobod va Qayragʻoch mahallalarida joylashgan 5 ta umumtaʼlim maktablarida qurilish-taʼmirlash ishlarini amalga oshirilish rejalashtirilgan.