Jizzax viloyatiga Jahon Bankining ijtimoiy rivojlanish boʻyicha katta mutaxassisi Tarra Sharafuddin, qishloq xoʻjaligi mablagʻlari va moliyaviy inklyuziv holati boʻyicha mutaxassis Sonali Choutxari, mablagʻlarni sarflanishi boʻyicha maslahatchi Andjani Kumarlar tashrif buyurdi.

Ekspertlarni tashrifidan maqsad “Qishloq ayollarning iqtisodiy holatini oʻzgartirish” loyihasi boʻyicha boʻldi.

Dastlab, ekspertlarni viloyat hokimligida viloyat hokimi Ergash Saliyev bilan uchrashuvi oʻtkazildi.

Uchrashuvda mehmonlar viloyatga tashrifdan asosiy maqsadlari xususida aytib oʻtishdi.

Oʻz navbatida viloyat hokimi E.Saliyev ham Jahon Bankining ijtimoiy rivojlanish boʻyicha mutaxassislariga barcha yordamda tayyorligini bildirib oʻtdi.

Shundan soʻng, Tarra Sharafuddin Jizzax shahrida va Gʻallaorol tumanidagi tadbirda, tadbirkorlikni ochmoqchi boʻlgan xotin-qizlarni qoʻllab-quvvatlash, ularning samarali ish yuritishlari uchun boʻyicha maʼlumotlar berdi.

Delegatsiya Gʻallaorol tumanida yashovchi hunarmand Astanaqulova Gavharning uyidagi hunarmandchilik mahsulotlari bilan tanishishdi.