Odil sudlovga erishish darajasini oshirish fuqarolarning huquq va erkinliklarini ishonchli himoyasini taʼminlashning eng muhim shartlaridan hisoblanadi. Sud organlari faoliyatidagi sayyor qabullarning tashkil etilishi bilan bogʻlik oʻziga xos jihatlar hududlarda sud munosabatlari jarayonlarida kuzatilayotgan turli muammo va kamchiliklarni hal etish imkonini bermoqda.

Respublika oliy sudi sudyalarining Buxoroda oʻtkazgan sayyor qabullarida fuqarolar va tadbirkorlarning jinoyat, maʼmuriy, fuqarolik va iqtisodiy ishlar boʻyicha viloyat tuman va shahar sudlari tomonidan qabul qilingan sudlov qarorlari ustidan shikoyatlar va ommaviy huquqiy munosabatlarga oid murojaatlar koʻrib chiqilishiga alohida eʼtibor qaratildi.

Qabul davomidagi murojaatlarning aksariyatini fuqarolarning buzilgan huquqlarini tiklash, sud qaroridan norozi boʻlish, belgilangan jazoni yengillashtirish, meros, hamda uy-joy masalalari tashkil etdi.

Bundan tashqari, oʻtkazilgan sayyor qabul davomida xalqimizga xos boʻlgan insonparvarlik tamoyillari asosida jinoyat ishlari boʻyicha sudlar tomonidan 5 nafar mahkumlar sud zalidan ozod qilinib, oilasi, oʻz yaqinlari bagʻriga qaytarildi, 1 nafar mahkumning jazo oʻtash tartibi yengillashtirildi.