5-martda Intellektual mulk agentligi va “IP-CENTER” oʻquv markazi vakillari bilan Toshkent kimyo-texnologiya instituti rahbari bilan uchrashuv boʻlib oʻtdi.

Sanoatning barcha sohalarini qamrab olish maqsadida Toshkent kimyo-texnologiya instituti bazasida navbatdagi Texnologiya va innovatsiyalarni qoʻllab-quvvatlash markazi tashkil etilishi boʻyicha kelishildi va hujjatlar imzolandi.

Maʼlumki mazkur oliy taʼlim muassasasi oziq-ovqat mahsulotlari kimyosi, noorganik moddalarni ishlab chiqarish, shuningdek yoqilgʻi va organik moddalar kimyoviy texnologiyasi boʻyicha yuqori kvalifikatsiyaga ega mutaxassislarni tayyorlaydi. 

Shuningdek, institut oʻqituvchilari, doktorantlari va tadqiqotchilari uchun “Intellektual mulk obyektlari muhofazasi” mavzusida seminar va Agentlik faoliyati boʻyicha davra suhbati oʻtkazildi, berilgan savollarga toʻliq javoblar berildi.