Sayyohlar oʻziga kerakli maʼlumotni olishda zamonaviy axborot-kommunikatsiya texnologiyalari, smartfonlardan foydalanadi.

Hozirgi kunda jahonda “Smart turizm” konsepsiyasi rivojlanmoqda. Toshkent shahrida bu texnologiya ilk bora Toshkent turizmni rivojlantirish departamenti tomonidan QR-kodlar yordamida sayyohlarga taqdim etilmoqda. Ushbu loyiha doirasida sayyoh QR kod tasviriga ishora qilgan holda bir necha soniyadan soʻng, oʻz smartfoniga 12 ta tilda oson va qulay koʻrinishda poytaxtimizning diqqatga sazovor joylari haqidagi barcha maʼlumotni qabul qilib oladi. Shu bilan birga foydalanuvchilarga nafaqat sayyohlik obyektlari haqida, balki eng yaqin mehmonxonalar, restoranlar, sanʼat galereyalari va boshqa arxitektura hamda tarixiy yodgorliklar haqida ham maʼlumot beriladi.