Poytaxtimizdagi “JAR” sport-sogʻlomlashtirish majmuida oʻzbek jang sanʼati boʻyicha oʻsmirlar va kattalar oʻrtasida Oʻzbekiston chempionati bahslari boʻlib oʻtdi.
 

Musobaqalarda Qoraqalpogʻiston Respublikasi, Toshkent shahri va barcha viloyatlardan tashrif buyurgan 300 nafardan oshiq sportchi gʻoliblik uchun bahs olib bordi.
Musobaqaning koʻrgazmali chiqish bahslarida Buxoro viloyati jangchilari mahorat bobida tengsiz ekanligini isbotladilar. Xorazm viloyati sportchilari 2-, Surxondaryo hamda Toshkent shahri vakillari 3-oʻringa munosib, deb topildi.

J.Alijonov (Sirdaryo), A.Sultonov (Qashqadaryo), D.Olimjonov (Andijon), A.Isoqov (Toshkent shahri), X.Muxtorov (Andijon), O.Ahrolov (Toshkent shahri), E.Egamberdiyev (Andijon), N.Muhammadjonov (Andijon) kabi sportchilar gʻolib va sovrindorlar safidan joy oldi.