2019-yilning 23-fevral kuni O‘zbekiston Respublikasi Tashqi ishlar vaziri Abdulaziz Kamilov raislisida TIV Hay’atining kengaytirilgan majlisi o‘tkazildi.

Majlisda Davlat rahbari tomonidan 2018-yil 5-aprelda imzolangan “O‘zbekiston Respublikasi Tashqi ishlar vazirligi tizimini tubdan takomillashtirish hamda tashqi siyosiy va tashqi iqtisodiy faoliyatning ustuvor yo‘nalishlarini amalga oshirishda uning mas’uliyatini kuchaytirish chora-tadbirlari to‘g‘risida”gi farmon va “O‘zbekiston Respublikasi Tashqi ishlar vazirligi faoliyatini yanada takomillashtirishga doir tashkiliy chora-tadbirlar to‘g‘risida”gi qarordan kelib chiquvchi topshiriqlar asosida ko‘rsatib o‘tilgan kamchiliklarni bartaraf etish va Vazirlik markaziy apparati va mamlakatimiz diplomatik vakolatxonalarining qonun ijodkorligi, O‘zbekiston fuqarolari, jumladan xorijda bo‘lib turgan hamyurtlarimizning murojaatlari bilan ishlashni takomillashtirish bo‘yicha aniq choralar belgilab olindi.