Yurtimizda ilk marotaba Oʻzbekiston yoshlari umumjahon assotsiatsiyasi tomonidan xorijiy mamlakatlarda taʼlim olayotgan oʻzbekistonlik yoshlar uchun “Career Bridge” loyihasi doirasida videokonferensiya oʻtkazildi.

Toʻgʻridan-toʻgʻri muloqot shaklida tashkil etilgan videokonferensiyada Rossiya, Yaponiya, Turkiya va Latviyadagi yetakchi oliy taʼlim muassasalarining 2000 nafardan ortiq bitiruvchilari ishtirok etdi.

Oliy va oʻrta maxsus taʼlim vazirligi onlayn-konferensiyada soʻnggi yillarda sohada amalga oshirilayotgan ishlar bilan birga oliy taʼlim tizimida mavjud boʻsh ish oʻrinlari haqida taqdimot oʻtkazdi.

Onlayn-muloqotda vazirlik xorijdagi vatandoshlarimizni oliy taʼlim tizimida amalga oshirilayotgan islohotlarda ishtirok etishga va vatanimiz ravnaqiga birgalikda hissa qoʻshishga chaqirdi.