2019-yil 19-fevralda Agentlikda “Elektrotexnika sanoatining eksport salohiyatini yanada rivojlantirish va oshirish chora-tadbirlari toʻgʻrisida”gi PQ-4090-son qarori ijrosini taʼminlash maqsadida Agentlik mutaxassislari tomonidan “Eltexsanoat” AK xodimlari uchun “Oʻzbekiston Respublikasida Intellektual mulk obyektlari muhofazasi” mavzusida seminar oʻtkazildi.

Seminar ishtirokchilari Agentlik mutaxassislariga tovar belgilari, xizmat koʻrsatish belgilari va hammaga maʼlum boʻlgan belgilarning Oʻzbekiston Respublikasida muhofaza qilinishiga oid oʻzlarini qiziqtirgan savollari bilan murojaat qilib kerakli javoblarni oldilar, shuningdek oʻz taklif-mulohazalarini bildirdilar.

Tadbir soʻnggida yigʻilish qatnashchilari bunday tadbirlarni muntazam ravishda oʻtkazib borish zarurligini taʼkidlab oʻtdilar.