Toshkent shahridagi Turin politexnika universiteti mutaxassislari tomonidan abituriyentlarning OTMlarga elektron hujjat topshirishlari uchun moʻljallangan “UNIVERSITIES.UZ” dasturi yaratildi.

Dastur Oʻzbekistondagi barcha OTMlar (manzillar, telefon raqamlari, fakultetlar, yoʻnalishlar, propusklar va h.k.) haqida maʼlumot olish; foydalanuvchi uchun alohida akkaunt ochish va u istalgan vaqtda oʻz hujjatlarini elektron shaklda yuborishi hamda sms-xabar orqali imtihon natijalarini bilishi kabi funksional imkoniyatlarga ega. 

Shuningdek ushbu dastur orqali butun dunyo boʻyicha grantlar, stipendiyalar va yozgi maktablar haqida maʼlumotlarga ega boʻlish mumkin. 

Dastur mualliflari Isomitdinov Aloviddin va Joldibayev Nurlanga DGU 05826-raqamli guvohnoma berildi.