Joriy yilning 17-yanvar kuni Samarqand viloyatiga Oʻzbekiston-Niderlandiya doʻstlik fondi “UzNed” rahbari Mexmet Tutunju va Germaniya davlatida halol mahsulotlar ishlab chiqaruvchi korxona menejeri Sami Ekkurt hamda “NUMA” Germaniya sayyohlik agentligining asoschilari va boshqa xodimlar tashrif buyurdi.

Delegatsiya aʼzolarining tashrifdan koʻzlangan maqsad – kelgusida mamlakatlar aro sayyohlik sohasida hamkorlikni yoʻlga qoʻyish, mavjud imkoniyatlardan foydalangan holda ziyorat turizmini rivojlantirishdir.

Shuningdek, viloyat departamenti xodimlari bilan tashkil etilgan uchrashuvda mehmonlar mintaqada turizm sohasini yanada rivojlantirish istiqbollari yuzasidan oʻzaro fikr almashishdi.

Mehmonlar uchrashuvdan soʻng shaharning tarixiy-meʼmoriy yodgorliklarga tashrif buyurib, milliy taomlarimizdan tatib koʻrishdi.