Yigʻilishda Moliya vazirligi Gʻaznachiligi boshligʻining birinchi oʻrinbosari Oʻzbekiston Respublikasi Davlat soliq qoʻmitasi, Toshkent shahri boʻyicha Soliq, Moliya va Gʻaznachilik boshqarmalari masʼul xodimlari ishtirok etishdi. 

Yigʻilishning asosiy maqsadi Oʻzbekiston Respublikasi byudjet va soliq kodekslariga Oʻzbekiston Respublikasining 2018-yil 24-dekabrdagi OʻZQ-508-sonli “Soliq va byudjet siyosatining 2019-yilga moʻljallangan asosiy yoʻnalishlar qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida” gi Qonunga muvofiq kiritilgan oʻzgartirish va qoʻshimchalar muhokama qilindi.

Soliq kodeksining 56-57 moddalariga kiritilgan oʻzgartirishlar natijasida soliqning ortiqcha toʻlangan summalarini hisobga olish yoki qaytarish endilikda tegishli moliya organlarning oʻrniga Moliya vazirligi Gʻaznachiligi orqali amalga oshirilishi belgilanib oʻtildi. Bu esa ortiqcha va notoʻgʻri toʻlangan soliq va boshqa majburiy toʻlovlarni tezkorlik bilan qaytarilishi taʼminlanadi.

Maʼlumot uchun: Soliqlar va boshqa majburiy toʻlovlarning ortiqcha toʻlangan summalarini hisobga olish hamda qaytarib berish davlat soliq xizmati organlari tomonidan rasmiylashtirilib, Moliya va Gʻaznachilik organlariga ijro uchun yuborilgan.