2018 yilning 11 oyi mobaynida Oʻzbekiston bilan Germaniya oʻrtasidagi oʻzaro savdo hajmi 712,1 million AQSH dollarini tashkil etdi. Bu koʻrsatkich 2017 yilning shu davriga nisbatan 126 foizga koʻp.

2018 yil yanvar-noyabr oylarida Oʻzbekiston Germaniyaga qiymati 42,5 million dollarga teng mahsulot eksport qilgan. Germaniyadan 669,7 million dollarlik mahsulot import qilingan.

Maʼlumotlarga koʻra, oʻtgan yil 11 oyda Oʻzbekistonning umumiy tashqi savdo aylanmasi hajmi 28 milliard 664,7 million AQSH dollarini tashkil etgan. Bu koʻrsatkich 2017 yilning shu davriga nisbatan 17,6 foiz ziyod.

Hozir Oʻzbekistonda Germaniya kapitali ishtirokidagi 30 ga yaqin korxona va firma faoliyat yuritayotgan boʻlib, ular soni ortib bormoqda.

Temur Eshquvvatov