Qator xorijiy davlatlarning takliflarini hisobga olgan holda, mamlakatlar aro ikki va koʻp tomonlama hamkorlikni yanada rivojlantirish maqsadida Oʻzbekistonda Viza berish tartibini liberallashtirish boʻyicha amaliy ishlar olib borilmoqda.

Shuningdek, yurtimizga tashrif buyuruvchi xorijiy fuqarolar uchun qulay sharoitlar yaratish hamda mamlakatimizning tarixiy, madaniy merosi, boy tabiat resurslaridan va mavjud imkoniyatlardan har tomonlama foydalanish maqsadida Oʻzbekiston Respublikasi Prezidentining “Turizmni tezkor rivojlantirishga doir qoʻshimcha chora-tadbirlar rejasi toʻgʻrisida”gi farmoni imzolandi. Farmonda Oʻzbekiston Respublikasi hududiga kirish kunidan boshlab 30 kun davomida 45 ta mamlakat fuqarolari uchun qoʻshimcha vizasiz rejim joriy qilindi.

Maʼlumot uchun, 2019-yilning 15-yanvaridan boshlab Germaniya Federativ Respublikasi fuqarolari uchun yurtimizda 30 kunlik vizasiz rejim joriy qilingandi.

Hujjatga koʻra, bu mamlakatlar Avstraliya, Avstriya, Argentina, Bosniya va Gersegovina, Italiya, Kanada, Daniya, Ispaniya, Gollandiya, Norvegiya, Shvetsiya, Buyuk Britaniya, Finlyandiya, Braziliya, Chexiya, Shveytsariya, Mongoliya va boshqalarni oʻz ichiga oladi.

Ushbu chora-tadbirlar yurtimizga tashrif buyuradigan xorijiy sayyohlar oqimini oshishiga, shuningdek, jahon mamlakatlarini Oʻzbekiston bilan madaniy, ilmiy, savdo-sotiq va xorijiy investitsiyalarni jalb qilish borasidagi aloqalarini rivojlanishiga hamda jahon hamjamiyatida yurtimiz imidjini yanada oshishiga yordam beradi.

Endilikda fuqarolari Oʻzbekistonga vizasiz kirish huquqiga ega mamlakatlar umumiy soni 64 tani tashkil etadi.

Eslatib oʻtamiz, turizm sohasida viza rasmiylashtirish jarayonini tartibga solish chora-tadbirlarini 2021-yil 1-yanvarga qadar amalga oshirish rejalashtirilgan.

Joriy yilning 1 fevralidan eʼtiboran quyidagi mamlakatlar fuqarolari Oʻzbekistonga 30 kungacha boʻlgan muddatga vizasiz rejim asosida tashrif buyurishi mumkin boʻladi

1. Avstraliya
2. Avstriya Respublikasi
3. Argentina Respublikasi
4. Bosniya va Gersegovina
5. Vatikan
6. Lyuksemburg
7. Vengriya
8. Bruney-Darussalam
9. Gretsiya Respublikasi
10. Irlandiya
11. Islandiya
12. Italiya Respublikasi
13. Kanada
14. Andorra
15. Lixtenshteyn
16. Monako
17. Belgiya
18. Daniya
19. Ispaniya
20. Niderlandiya
21. Norvegiya
22. Shvetsiya
23. Latviya
24. Litva
25. Moʻgʻuliston
26. Yangi Zelandiya
27. Portugaliya
28. Bolgariya
29. Kipr Respublikasi
30. Malta
31. Polsha
32. San-Marino
33. Serbiya
34. Sloveniya
35. Xorvatiya
36. Chili
37. Ruminiya
38. Slovakiya
39. Buyuk Britaniya va Shimoliy Irlandiya Birlashgan Qirolligi
40. Braziliya
41. Finlyandiya
42. Chernogoriya
43. Chexiya
44. Shveytsariya
45. Estoniya