Jizzaxda “Eng namunali hamshira” koʻrik-tanlovi oʻtkazildi. 

OIV infeksiyasining tarqalishiga qarshi kurashish, profilaktika tadbirlari samaradorligini oshirish, tajribali tibbiyot xodimlarini ragʻbatlantirishga qaratilgan tanlovda OIV infeksiyasi profilaktikasi boʻyicha faoliyat olib borayotgan hamshiralar ishtirok etdi. 

Ishtirokchilar OIV infeksiyasiga qon olish, yoʻllanma toʻldirish tartibi, olingan qon namunasini laboratoriyaga yetkazish, OIV infeksiyasiga chalingan shaxs bilan boʻladigan muloqot vaqtida oʻzini qanday tutish kabi bir qator shartlar boʻyicha bahslashdi. 

Forish tumani tibbiyot birlashmasi hamshirasi Navbahor Hayitboyeva birinchi, Jizzax shahar tibbiyot birlashmasi hamshirasi Odina Ochilova ikkinchi va Paxtakor tumani tibbiyot birlashmasi hamshirasi Sarvinoz Qoʻshboqova uchinchi oʻrinni egalladi. 

Gʻoliblarga faxriy yorliq va esdalik sovgʻalari topshirildi. 

Toshqul Beknazarov, Jamshid Yorbekov (surat), OʻzA