2018-yilning 6-7-noyabr kunlari Seul shahrida “Koreya Respublikasi – Markaziy Osiyo” 11-hamkorlik forumi boʻlib oʻtdi. Tadbirda Oʻzbekiston Respublikasi Tashqi ishlar vaziri oʻrinbosari Dilshod Axatov boshchiligidagi delegatsiya ishtirok etdi.

Oʻzbekiston delegatsiyasi tarkibidan Suv xoʻjaligi vazirligi va Ekologiya va atrof-muhitni muhofaza qilish davlat qoʻmitasi vakillari ham oʻrin olgan.

Koreya Respublikasining Markaziy Osiyo davlatlari bilan meditsina va sogʻliqni saqlash, atrof-muhitni himoya qilish tarmoqlarida, logistika va transport sohalarida koʻp tomonlama hamkorlikni rivojlantirish, shuningdek mintaqadagi suv zaxiralaridan unumli foydalanish masalalari va Orol dengizini qutqarish boʻyicha chora-tadbirlar Forumning asosiy mavzusi boʻldi.

Oʻzbekiston delegatsiyasi Seul shahrida TIV va Koreya Fondi rahbariyatlari bilan ham ikki tomonlama uchrashuv va muzokaralar oʻtkazdi.