Madaniyat vazirligi majlislar zalida boshqaruv apparati xodimlari bilan birgalikda barcha tizim tashkilotlari, ayniqsa musiqa va sanʼat maktablari, teatrlar, madaniyat va aholi dam olish markazlarining kuz-qish mavsumiga tayyorgarlik borasidagi maʼlumotlarni tahlil va muhokama qilindi, vazir topshirigʻiga asosan barcha tizim tashkilotlarini yana bir bor tayyorgarlik holatlarini Ishchi guruh shakllantirilgan holda, bittama-bitta koʻzdan kechirish buyurildi.

Ushbu nazorat Ishchi guruhi joylarda boʻlib, mavjud muammo va kamchiliklarni oʻrganishi va bartaraf etish chora-tadbirlarini koʻrib chiqishi belgilab berildi. Xususan, muassasalarning isitish tizimining holati, koʻmir mahsulotining kuz-qish mavsumiga tayyorligi, yaroqsiz deraza oynalarini yangilariga almashtirish va boshqa masalalar oʻz vaqtida bajarilishi taʼkidlandi. Respublika boʻylab hududlarning nazorati vazir va uning oʻrinbosarlari oʻrtasida taqsimlanib olindi.