“Oʻzstandart” agentligi tomonidan tasdiqlangan rejaga asosan, joriy yilda sinov va kalibrlash laboratoriyalarini rivojlantirish dasturi ijrosi yuzasidan “Namangan sinov va sertifikatlashtirish markazi” davlat korxonasi metrologiya boʻlimiga RST-200 kuchlanish va tok-transformatorlarni qiyoslash uskunasi xarid qilindi.

Bu bilan markazning metrologiya boʻlimi tomonidan endilikda tok-transformatorlarni oʻrnatilgan joyida metrologik tekshiruvdan oʻtkazish imkoniyati paydo boʻldi hamda kelgusida laboratoriyaning akkreditatsiya doirasini kengaytirish bilan kuchlanish transformatorlarini ham metrologik tekshiruvdan oʻtkazish imkoniyati yuzaga keladi. Oʻz navbatida xoʻjalik yurituvchi subyektlariga koʻrsatilayotgan metrologik xizmatlarning sifati oshadi va qulayliklar yaratiladi.