Oʻzbekiston Respublikasi Prezidenti Shavkat Mirziyoyev Qozogʻiston Respublikasi Prezidenti Nursulton Nazarboyevning taklifiga binoan 20-oktabr kuni Oʻzbekiston, Rossiya va Qozogʻiston davlat rahbarlarining norasmiy uchrashuvida ishtirok etish uchun amaliy tashrif bilan Qozogʻistonning Turkiston viloyatida boʻldi.

Uchrashuvda uch mamlakat oʻrtasidagi oʻzaro manfaatli hamkorlikni, avvalo savdo-iqtisodiy va madaniy-gumanitar sohalardagi aloqalarni yanada kengaytirish masalalari muhokama qilindi.

Xalqaro va mintaqaviy ahamiyatga molik dolzarb masalalar yuzasidan fikr almashildi.