Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Botir Xoʻjayev: “Hududlararo hamkorlik davlatlar oʻrtasidagi munosabatlarda muhim oʻrin tutadi”
2018-10-19 | Iqtisodiyot
Oʻzbekiston Respublikasi bilan Rossiya Federatsiyasi oʻrtasidagi birinchi hududlararo hamkorlik forumi doirasidagi tadbirlar davom etmoqda.
Poytaxtimizdagi “Hyatt Regency Tashkent” mehmonxonasida tashkil qilingan biznes nonushtada Oʻzbekiston Respublikasi iqtisodiyot vaziri Botir Xoʻjayev soʻzga chiqdi.
Uning taʼkidlashicha, Oʻzbekiston – Rossiya munosabatlarida hududlararo hamkorlik muhim oʻrin tutmoqda. Shu kunga qadar mamlakatimiz viloyatlari vakillaridan iborat 14 delegatsiya Rossiyaning 30 viloyat va maʼmuriy tuzilmalarida boʻlib, u yerdagi ijtimoiy-iqtisodiy rivojlanish bilan tanishishgan va savdo-investitsiyaviy hamkorlik boʻyicha kelishuvlarga erishgan.
– “Bugungi tadbir ana shunday yuqori saviyadagi munosabatlarni yanada faollashtirish uchun qulay imkoniyat. Biz hududlararo hamkorlikni rivojlantirishga davlatlar oʻrtasidagi munosabatlarni mustahkamlash, mintaqalarning iqtisodiy barqarorligini taʼminlash, ish oʻrinlari yaratishning muhim omili sifatida qaraymiz”, – deya qayd etdi B.Xoʻjayev.
Ulugʻbek SHONAZAROV, OʻzA
