Oʻzbekiston Respublikasi taʼlim muassasalariga oʻqishga qabul qilish boʻyicha Davlat komissiyasining 2018-yil 5-oktabrdagi 11-sonli bayoni bilan Oliy va oʻrta maxsus taʼlim vazirligining 2018/2019 oʻquv yilida oliy taʼlim muassasalarida toʻlov-kontrakt asosida bakalavriat va magistraturada tahsil olayotgan ikkinchi va undan yuqori kurs talabalari uchun toʻlov-kontrakt miqdorining birinchi yarmini toʻlash muddatini joriy yilning 15 noyabriga qadar uzaytirish toʻgʻrisidagi taklifiga rozilik berildi.

Shuningdek, mazkur bayon bilan Oliy va oʻrta maxsus taʼlim vazirligi, tasarrufida oliy taʼlim muassasalari mavjud boʻlgan vazirlik va idoralar, abituriyentlar va ularning ota-onalarining koʻp sonli murojaatlarini inobatga olib respublika oliy taʼlim muassasalarining bakalavriati va magistraturasiga 2018/2019 oʻquv yilida toʻlov-kontrakt asosida talabalikka tavsiya etilgan abituriyentlar uchun bazaviy kontrakt miqdorining birinchi yarmini toʻlash muddati 2018-yilning 31-oktabriga qadar (shu kuni ham) uzaytirildi.