Joriy yilning 15 sentyabr kuni Buxoro shahrida joylashgan Yoshlar markazida  xotin-qizlar qo‘mitasi va viloyat prokuraturasi bilan hamkorlikdagi “Ajrimlar profilaktikasi, salbiy holatlarga moyillik – muammo hamda yechimida xalqaro va milliy tajriba” nomli konferensiya hamda “Oilaviy  munosabatlar: ajrimlar, suitsidlar, muammolar va yechimlar” mavzusida psixologlar bilan hamkorlikdagi ilk seminar trening bo‘lib o‘tdi. 

Unda viloyat hokimi o‘rinbosari, Xotin-qizlar qo‘mitasi raisi F.Ibragimova, Viloyat prokurori o‘rinbosari D.Fayziev, mutaxassis psixologlar hamda viloyatimizning barcha hududlaridan kelgan xotin-qizlar ishtirok etdi. Konferensiya “Chegarasiz hayot” video roligi namoyishi bilan boshlandi.

Shundan so‘ng, mavzu yuzasidan viloyat Xotin-qizlar qo‘mitasi raisi F.Ibragimova, Viloyat prokurori o‘rinbosari D.Fayzievning ma’ruzalari tinglandi. Seminar ochiq ruhda, savol-javob va turli mulohazalarga boy tarzda o‘tgani yig‘ilganlarda katta taassurotlar qoldirdi.