2018-yilning 16-avgust kuni O‘zbekiston Respublikasi Tashqi ishlar vaziri Abdulaziz Kamilov Malayziyaning Favqulodda va Muxtor Elchisi etib tayinlangan Hendi Assan bilan uchrashdi.

Vazir Elchining ishonch yorliqlari nusxalarini qabul qildi.

Suhbat chog‘ida savdo-iqtisodiy, investitsion, transport va boshqa sohalarda rivojlanish uchun ulkan salohiyatlarga ega O‘zbekiston – Malayziya munosabatlarining asosiy yo‘nalishlari muhokama qilindi.

Uchrashuvda siyosiy maslahatlashuvlar, Qo‘shma savdo qo‘mitasi yig‘ilishi hamda ishbilarmon doiralarning biznes-forumini o‘tkazish muddatlari borasidagi takliflar ko‘rib chiqildi.

Uchrashuv davomida ta’kidlanganidek, turizm sohasi madaniy-gumanitar aloqalarni faollashtirishning muhim qismi hisoblanadi. Shu nuqtayi nazardan Elchi malayziyalik turistlar uchun vizasiz tartib joriy qilish bo‘yicha O‘zbekiston tomonining qarori uning mamlakatida mamnuniyat bilan qabul qilinganini qayd etdi.