Joriy yilning 25-iyul kuni Xitoyning Xenan provinsiyasi Tashqi ishlar vaziri Guo Jun-Feng boshchiligidagi delegatsiya Buxoroda bo‘ldi.

Mazkur mehmonlar tashrifidan ko‘zlangan maqsad qishloq xo‘jaligi tarmog‘ida o‘zlashtirilmagan yerlarni o‘zlashtirish, issiqxonalar qurish, bog‘lar yaratish, bundan tashqari, turizm va madaniyat sohalarida viloyatimiz bilan o‘zaro hamkorlik aloqalarini o‘rnatish. Qolaversa, Buxoro davlat universiteti bilan hamkorlikda talabalarning xitoy tilini o‘rganishlari uchun Xitoy tili fakultetini tashkil etish, shuningdek, bilim olish, tajriba almashish, til o‘rganish maqsadida Xitoy va Buxoro o‘rtasida o‘zaro talabalar almashilishini ta’minlash haqida ham fikr almashishdi. Mehmonlar Buxoroning diqqatga sazovor maskanlarida bo‘lganligi, viloyatimiz juda iliq taassurotlar qoldirganini aytib o‘tishdi.