O`zbekiston Respublikasi
Hukumat portali
Moliya vazirligi yana bir Bitimni imzoladi
2018-07-30 | Iqtisodiyot
Joriy yilning 27 iyul kuni Moliya vazirligida “Iqtisodiy boshqaruvni takomillashtirish dasturi” loyihasini amalga oshirish doirasida 300 mln. AQSH dollari miqdorida zayom Bitimi imzolandi.
Osiyo taraqqiyot banki tomonidan bitimni Sindi Malvichini – OTBning O‘zbekistondagi Doimiy vakolatxonasining rahbari v.b. imzoladi.
Sindi Malvichini honimlari O‘zbekiston Respublikasining Bosh vaziri o‘rinbosari, moliya vaziri – Jamshid Qo‘chqorov bilan suhbat jarayonida Osiyo taraqqiyot banki rahbari va a’zolari nomidan O‘zbekiston Hukumatiga o‘z hurmat va ehtiromlarini bildirib, mamlakatning iqtisodiy boshqaruvini takomillashtirishga, barqaror investitsion muhitni yaratishga va iqtisodiyotda xususiy sektorning ishtirokini oshirishga intilishiga qaratilgan tadbirlar, O‘zbekiston Respublikasi va Osiyo taraqqiyot banki o‘rtasidagi o‘zaro manfaatli hamkorlikning kelajakdagi asosiy yo‘nalishlari bo‘lishini ta’kidlab o‘tdilar.