O`zbekiston Respublikasi
Hukumat portali
Xitoylik investorlar Jizzaxda
2018-07-24 | Jamiyat
Xitoy Xalq Respublikasining Xenan provinsiyasi ishbilarmonlaridan iborat delegatsiya investitsiyaviy sharoitlar bilan tanishish, hamkorlik shartnomalari tuzish maqsadida Jizzax viloyatiga tashrif buyurdi.
Bundan avvalroq Jizzax viloyati hokimi o‘rinbosari U.Egamov xizmat safari bilan Xitoy Xalq Respublikasida bo‘lib, Xenan provinsiyasida faoliyat yurituvchi yirik kompaniyalar bilan hamkorlik muzokaralari o‘tkazib qaytgan edi. Xitoylik tadbirkorlarning javob tashrifida Jizzax viloyati va Xenan provinsiyasi kompaniyalari o‘rtasida hamkorlik bo‘yicha muzokaralar davom ettirildi.
Mehmonlar viloyat hokimligida yurtimizda xorijiy investorlar uchunyaratilayotgan shart-sharoitlar, imtiyozlar bilan tanishtirildi. O‘zbekiston – Xitoy savdo uyi va viloyat hokimligi o‘rtasida hamkorlik memorandumi imzolandi.
Toshqul Beknazarov, Jamshid Yorbekov (surat) O‘zA