Poytaxtimizdagi Alisher Navoiy nomidagi kinosaroyida “Yoshlar kuni” munosabati bilan Favqulodda vaziyatlar vazirligi tizimida xizmat qilib kelayotgan yoshlar o‘rtasida “Quvnoqlar va zukkolar” ko‘rik-tanlovining final bosqichi bo‘lib o‘tdi.

Tanlovning mazkur bosqichida Favqulodda vaziyatlar vazirligi huzuridagi Fuqoro muhofazasi instituti hamda viloyat Favqulodda vaziyatlar boshqarmalaridan kelgan 4ta jamoa turli shartlar asosida o‘z bilim va mahorati, hozirjavobligi, intelektual salohiyatini namoyish etishdi. 

– Bu loyiha tizimda xizmat qilib kelayotgan yoshlarning bilimi va saviyasini qay tarzda namoyish etish yo‘lidagi o‘ziga xos imkoniyatdir, – deydi Fuqoro muhofazasi itinsituti jamoasining ishtirokchisi Husan Xalilov. – Tanlov bahonasida yurtimizning turli hududlaridan kelgan kasbdoshlarimiz bilan do‘stlashdik, ular bilan tajriba almashdik.