Bugungi kunda davlatimiz tomonidan xotin-qizlarning ijtimoiy-siyosiy faolligini oshirish, ularning turli sohalarda bilim va salohiyatlarini namoyon etishlari uchun barcha shart-sharoitlar yaratib berish yuzasidan keng ko‘lamli ishlar amalga oshirilmoqda. Ayniqsa, ayollar bandligini ta’minlash Respublika Xotin-qizlar qo‘mitasi faoliyatining ustuvor vazifasi bo‘lib kelmoqda.

 

Mazkur Qo‘mita tomonidan ishsiz xotin-qizlar soni aniqlanib, ular 168 ming 634 nafarni tashkil etgan edi. Ishsiz xotin-qizlardan bandlik markazlarida 45 ming 892 nafari hisobda tursa, xonadonma-xonadon yurilib, 126 ming 231 nafari ro‘yxatga olindi. Joylarda korxona, tashkilotlardagi mavjud bo‘sh ish o‘rinlariga 29 ming 785 nafar, kichik korxonalarga 8 ming 679 nafar, kasanachilik sohasiga 3 ming 466 nafar, oilaviy tadbirkorlik sohasiga 8 ming 967 nafar, ipak qurtini parvarishlash sohasiga 62 ming 335 nafar va boshqa yo‘nalishlarga 18 ming 623 nafar xotin-qiz ishga joylashtirildi. 

 

Bundan tashqari xotin-qizlarda tadbirkorlik ko‘nikmalarini shakllantirish, ularni kasbga qayta tayyorlash borasida ham aniq maqsadli chora-tadbirlar amalga oshirilmoqda.