Joriy yilning 19 iyun kuni Madaniyat vaziri Baxtiyor Sayfullayev Ozarbayjon Respublikasi Madaniyat vaziri Abulfas Garayev bilan uchrashdi. Uchrashuv chog‘ida ikki davlatning madaniyat va san’at sohasiga oid fikrlar bilan almashildi.

Vazir o‘z navbatida O‘zbekistonda hozirgi kunda sohaga davlat rahbari tomonidan berilayotgan e’tibor va uning rivojlanishi uchun yaratilayotgan zamin, madaniyat va san’at sohasidagi xodimlarning xorij respublikalarida tajriba almashishi, malaka oshirishi, teatrlarning gastrol safarlari, muzey ko‘rgazmalari tashkil etilayotganliklari to‘g‘risida ma’lumotlar berildi. Abulfas Garayev O‘zbekistonda bo‘layotgan jarayonlarni kuzatib borishini aytdi.

Bu yil Shahrisabz shahrida bo‘lib o‘tadigan Xalqaro maqom anjumaniga Baxtiyor Sayfullayev Ozarbayjon Respublikasi madaniyat vazirini faxriy mehmon sifatida taklif etib, rasmiy taklifnoma taqdim etdi.