Shu yilning 8-iyun kuni Buxoro viloyat hokimi O’ktam Barnoyev hamda Polsha ishbilarmonlaridan tarkib topgan delegatsiya ishtirokida hamkorlik uchrashuvi bo’lib o’tdi. Ikki mamlakat vakillari o’zaro o’tkazilgan suhbat davomida har ikki davlatning qadimiy shaharlari, ularda iqtisodiyot, turizm, qurilish va yana shu kabi bir qator sohalar bo’yicha suhbatlashib olishdi.

Undan so’ng Buxoro Davlat universitetida Polsha ishbilarmon hamkorlari bilan B2B suhbatlari o’tkazildi. Buxoroning investitsion hamda turistik salohiyatga ega shahar ekanligini inobatga olgan holda, biznes hamkorlar, forum qatnashchilari, Buxoro Davlat universiteti talabalari ishtirokidagi uchrashuv savol-javoblarga boy tarzda o’tdi. Qatnashchilarning bir nechtasi ushbu sohaga oid savollarini, o’zlarini qiziqtirgan mavzular yuzasidan ishbilarmon hamkorlarga murojaat qilishdi.