O`zbekiston Respublikasi
Hukumat portali
Tojikiston bilan yangi shartnomalar
2018-04-30 | Turizm
27 aprel kuni Tojikistonning sayyohlik kompaniyalaridan iborat delegatsiya Farg‘ona viloyatiga tashrif buyurishdi. Tashrif doirasida turizm sohasining xorijiy vakillari mintaqaning sayyohlik salohiyati bilan yaqindan tanishdilar. Xususan, Qo‘qonning tarixiy obidalari, jumladan, Xudoyorxon saroyi va Jomiy masjidi, Marg‘ilonning Pir Siddiq majmuasi, Said Ahmadxo‘ja madrasasi, “Yodgorlik” ipak fabrikasi va Rishtondagi Said Ahmedovning kulolchilik ustaxonasi bilan tanishdilar.
Shuningdek, Farg‘ona turizmni rivojlantirish hududiy boshqarmasida Tojikiston delegatsiya mahalliy sayyohlik kompaniyalari bilan uchrashish imkoniga ega bo‘ldi. Uchrashuv yakunida “Farg‘ona vodiysi Sayyoh”, “Dilkam MK”, “Al-Fergani Tur” kabi firmalar “Bozori Voru” MChJga qarashli “Marko Polo” kompaniyasi bilan o‘zaro manfaatli shartnomalar tuzdilar.