Ko'rinish
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Shaxmat bo‘yicha xalqaro turnir boshlandi
2018-04-24 | Sport
Poytaxtimizda shaxmat bo‘yicha birinchi o‘zbek grossmeysteri Georgiy A’zamov xotirasiga bag‘ishlangan “Toshkent open” an’anaviy xalqaro turniri boshlandi.
O‘zbekiston shaxmat federatsiyasi tomonidan tashkil etilgan mazkur musobaqadan ko‘zlangan asosiy maqsad yoshlar o‘rtasida shaxmatni yanada ommalashtirish, sportchilarimizning tajribasini oshirish, o‘zbek shaxmat maktabi imkoniyatlari va salohiyatini keng targ‘ib etishdan iborat.
Markaziy Osiyodan yetishib chiqqan birinchi xalqaro grossmeyster Georgiy A’zamov xotirasiga bag‘ishlangan “Toshkent open” xalqaro turniri 2007-yildan buyon an’anaviy tarzda o‘tkazib kelinmoqda.
Musobaqaning ochilishida mamlakatimizda yosh avlodni jismonan sog‘lom, ma’nan yetuk, yuksak intellektual salohiyatli etib voyaga yetkazish, sportning barcha turlari qatori shaxmatni izchil rivojlantirishga ko‘rsatilayotgan katta e’tibor va g‘amxo‘rlik samarasida o‘zbek shaxmat maktabi vakillari nufuzli xalqaro musobaqalarda yuqori natijalarga erishayotgani ta’kidlandi.
Bu yilgi xalqaro turnirda shaxmatchilarimiz bilan bir qatorda Rossiya, Armaniston, Belarus, Ukraina, Belgiya, Eron, Ispaniya, Moldova, Qozog‘iston, Qirg‘iziston, Tojikiston va Afg‘oniston kabi davlatlardan ikki yuzga yaqin shaxmatchi g‘oliblik uchun dona surmoqda.
Javohir Toshxo‘jayev, Muhammad Amin (surat), O‘zA
