Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Yuridik yordam takomillashadi
2018-04-18 | Jamiyat
Adliya vaziri o‘rinbosari – Toshkent davlat yuridik universiteti rektori Yesemurat Kanyazov bepul yuridik yordam ko‘rsatishning huquqiy asoslarini takomillashtirishga ehtiyoj mavjudligini qayd etdi.
Toshkent davlat yuridik universitetida yuridik yordam va xizmat ko‘rsatish tizimining tashkiliy-huquqiy asoslarini yanada takomillashtirish masalalariga bag‘ishlangan ilmiy-amaliy anjuman bo‘lib o‘tdi.
Ye.Kanyazov sohadagi yechimini kutayotgan muammolar haqida gapirar ekan,yuridik yordam va xizmat ko‘rsatishga oid fundamental, amaliy va innovatsion ilmiy-tadqiqot ishlari samarali yo‘lga qo‘yilmagani, bepul yuridik yordam ko‘rsatishning huquqiy asoslarini takomillashtirishga ehtiyoj mavjudligini qayd etdi.
Shuningdek, qonun hujjatlarida bu sohada faoliyat yuritayotgan advokatlik tuzilmalari va yuridik konsaltinglar huquqiy maqomining o‘ziga xos xususiyatlariga oid normalar nazarda tutilmagani, xorijiy advokatlik tuzilmalariga hamda O‘zbekiston Respublikasida doimiy yashayotgan chet el fuqarolari va fuqaroligi bo‘lmagan shaxslarga advokatlik faoliyati bilan shug‘ullanishning huquqiy kafolatlarini yaratish, yuridik xizmat ko‘rsatishning sohaviy ixtisoslashuvi lozimligi ta’kidlandi.
Ilmiy-amaliy anjumanda bir qator normativ-huquqiy hujjatlarga o‘zgartirish va qo‘shimchalar kiritish bo‘yicha takliflar ishlab chiqildi, yangi doktorlik dissertatsiyalari mavzularini shakllantirishga zamin yaratildi, bajarilayotgan ilmiy tadqiqot ishlarini maqsadli va samarali olib borish yuzasidan aniq va istiqbolli tavsiyalar berildi.
I.Ahatova, O‘zA
