Ko'rinish
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
O‘zbekistonlik kursantlar matematika bo‘yicha xalqaro olimpiada sovrindori
2018-04-10 | Jamiyat
Avval xabar qilinganidek, 2-6 aprel kunlari Olmaotada MDH mamlakatlari mudofaa vazirliklari harbiy oliy o‘quv yurtlari kursantlari o‘rtasida xalqaro olimpiada bo‘lib o‘tdi. O‘zbekistonlik kursantlar unda uchinchi o‘rinni egalladi, deb xabar qiladi O‘zbekiston Respublikasi Mudofaa vazirligi matbuot xizmati.
Chirchiq oliy tank qo‘mondonlik-muhandislik bilim yurti o‘qituvchisi Ra’no Yusupova boshchiligidagi kursantlar Shahzodbek Rustamov, Bobur Abdurashidov, Jabbor Muhammadiyev va Sarvar Noraliyev Qozog‘istonda bo‘lib o‘tgan olimpiadada Armaniston, Rossiya, Qozog‘iston, Belarus, Qirg‘iziston va Tojikiston jamoalari vakillari bilan bahslashib, mamlakatimiz sharafini munosib himoya qildi.
Harbiy bilim yurtlari kursantlari o‘rtasidagi xalqaro olimpiadaning navbatdagi bosqichi (informatika bo‘yicha) 16-20 aprel kunlari Qozog‘istonda bo‘lib o‘tadi. Unda yurtimiz sharafini Muhammad al-Xorazmiy nomidagi Toshkent axborot texnologiyalari universitetining maxsus fakulteti kursantlari himoya qiladi.
Ablay Kamolov, O‘zA
