Prezidentimiz Shavkat Mirziyoyevning 2018-yil 6-martdagi farmoniga ko‘ra, Samarqand viloyatida yashovchi 35 nafar yurtdoshimiz O‘zbekiston Respublikasi fuqaroligiga qabul qilindi. 

Samarqand viloyati hokimligida ushbu shaxslarga O‘zbekiston Respublikasi fuqarosi pasportini tantanali topshirish marosimi o‘tkazildi.

Tadbirda mamlakatimizda inson huquq va erkinliklarini ta’minlash, yurtimizda istiqomat qilayotgan barcha millat va elat vakillarining ahil-inoq hayot kechirishi uchun zarur huquqiy asos, keng imkoniyatlar yaratilgani ta’kidlandi. 

Prezidentimizning keyingi ikki yil davomida qabul qilgan farmonlariga ko‘ra, ko‘plab yurtdoshlarimiz O‘zbekiston Respublikasi fuqaroligiga qabul qilindi. Jumladan, Samarqand viloyatida ham 2017-yilda 27 nafar shaxsga fuqarolik pasporti berildi. Bu yil ularning safi yana kengaydi. 

G‘olib Hasanov, Alisher Isroilov (surat), O‘zA