“Tadbirga ushbu mamlakatda ta’lim olayotgan o‘zbekistonlik yoshlar, mehnat qilayotgan vatandoshlarimiz, Germaniya ilmiy va akademik doiralari vakillari ishtirok etdi. Navro‘z g‘oya-maqsadiga ko‘ra, birdamlik, tinchlik, yangilanish bayrami. Bayram tantanalarida Navro‘z tarovati, asriy an’analarga sodiqlik ma’no-mazmuni yana bir karra namoyon bo‘ldi”, – deydi u. 

Yurtimizdan tashrif buyurgan san’at ustalarining chiqishlari, milliy kuy-qo‘shiqlar ishtirokchilarga ko‘tarinki kayfiyat ulashdi. Tadbir asnosida she’rxonlik, milliy o‘yinlar tashkil qilindi. Dasturxonga bahoriy taomlar tortildi. 

Ma’lumot o‘rnida, O‘zbekiston Respublikasi Prezidenti Shavkat Mirziyoyevning Oliy Majlisga Murojaatnomasida keltirilgan vazifalardan kelib chiqib, “O‘zbekiston yoshlari umumjahon assotsiatsiyasi” nodavlat notijorat tashkiloti tashkil etildi. Uning asosiy maqsadi xorijiy mamlakatlarda o‘qiyotgan va mehnat qilayotgan o‘zbekistonlik yoshlar bilan ishlash, ularning huquq va manfaatlarini himoya qilish, har tomonlama qo‘llab-quvvatlash va rag‘batlantirish, Vatanga sadoqat ruhida tarbiyalash, shuningdek, jamiyatda o‘z o‘rnini topishiga ko‘maklashishdan iborat.