2018-yilning 30-mart kuni bo‘lib o‘tgan O‘zbekiston Respublikasi Oliy Majlisi Senatining 14-yalpi majlisida Raxmatulla Nazarov Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasining a’zosi etib saylandi.

Ilgariroq, 23-mart kuni Tashqi ishlar vazirligining ShHT tuzilmalari, shu jumladan Xitoy bilan hamkorlik boshqarmasi boshlig‘i - O‘zbekiston Respublikasining Shanxay hamkorlik tashkiloti ishlari bo‘yicha milliy koordinatori Raxmatulla Nazarov Navoiy viloyati vakillik organlari deputatlarining qo‘shma majlisida O‘zbekiston Respublikasi Oliy Majlisi Senatining a’zosi etib saylangan edi.