Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
1-apreldan meva-sabzavot mahsulotiga qo‘shimcha qiymat solig‘i solinmaydi
2018-03-30 | Jamiyat
Bu haqida O‘zbekiston Respublikasida meva-sabzavotchilikni jadal rivojlantirishga doir qo‘shimcha chora-tadbirlar to‘g‘risida O‘zbekiston Respublikasi Prezidentining farmonida qayd etilgan.
Endi qishloq xo‘jaligi ishlab chiqaruvchilari o‘rtasida kafolatlangan shartnomalar asosida "urug‘-ko‘chat-mahsulot yetishtirish-tayyorlash-saqlash-qayta ishlash-transportirovka qilish-bozorga yetkazish" tamoyili bo‘yicha uzluksiz zanjirni shakllantirishni ko‘zda tutuvchi klaster usuli keng joriy etiladi.
Joriy yilda har bir hududda 1-2 ta meva-sabzavot klasterlari tashkil etiladi. 2019 yildan boshlab meva-sabzavot yetishtirishga ixtisoslashgan barcha tumanlarda klaster shakli yo‘lga qo‘yiladi.
Ularga ichki hamda tashqi bozordagi ehtiyoj va tuproq-iqlim sharoitlarini hisobga olib, qishloq xo‘jaligi ekinlarini ekish, ularning navi va turini belgilash, fermer va dehqon xo‘jaliklari bilan ular tomonidan tayyorlanayotgan qishloq xo‘jaligi mahsulotlarini sotib olish yuzasidan shartnomalar tuzish bo‘yicha mustaqil qaror qabul qilish huquqi beriladi.
2018-yilning 1- aprelidan bitta meva-sabzavot klasteri ichida sotiladigan mahsulotga qo‘shimcha qiymat solig‘i solinmaydi va davlatning maqsadli fondlariga majburiy ajratmalar undirilmaydi.
