Hududlarda sanoatni rivojlantirish, yangi korxonalar barpo etish, mavjud korxonalarni qo‘llab-quvvatlash, ularning barqaror faoliyat olib borishi uchun zarur sharoitlar yaratishga alohida e’tibor qaratilayotgani bois, ana shunday korxonalar soni, sanoat mahsulotlari ishlab chiqarish hajmi yildan-yilga ortmoqda. 

Tadbirkor Abdusalom Tojiboyevning sa’y-harakati bilan qisqa muddatda fabrikaning yangi binosi barpo etildi. 1 million 600 ming dollar mablag‘ evaziga Xitoy, Turkiya, Tailand davlatlaridan zamonaviy dastgohlar, tikuv mashinalari keltirilib, o‘rnatildi. 

Hozir 20 dan ortiq turdagi bolalar va kattalar kiyim-kechagi tayyorlanmoqda. Eng muhimi, fabrika ishga tushishi bilan 350 nafar shahrixonlik xotin-qiz doimiy ish o‘rniga ega bo‘ldi. Fabrikada ishchi-xizmatchilarning samarali ishlashi uchun barcha sharoit yaratilgan. 

Bugungi kunda mahsulotlarni eksport qilish bo‘yicha amaliy ishlar olib borilmoqda. 

Faxriddin Ubaydullayev, Zuhriddin Umurzoqov (surat), O‘zA