O‘zbekiston Respublikasi Adliya vazirligi huzuridagi Davlat xizmatlari agentligining Navoiy viloyatidagi tuman va shaharlar davlat xizmatlari ko‘rsatish markazlariga viloyat hokimligi tomonidan “Damas” avtomashinalari topshirildi.

Darhaqiqat, davlat xizmatlari haqida so‘z ketganda tez, sifatli, shaffof, eng muhimi, yugur-yugurlardan xoli tizim tushunilishi kerak. Chunki, mazkur tamoyillar hayotda o‘z aksini topsa, xalq davlatdan, hokimiyatdan rozi bo‘ladi. Ishi yurishib, turmush darajasi, madaniyati yuksaladi. “Xalq davlat idoralariga emas, davlat idoralari xalqimizga xizmat qilishi kerak”, degan tamoyilning turmushdagi isboti o‘z-o‘zidan namoyon bo‘laveradi.